03- 09 тамыз айы аралығында Мақтарал аудандық «Нұғман» мешітінің бас имамы Сыздықов Бекзаттың тапсырмасымен ауданымызда орналасқан қала және ауыл мешіттері тексерілді. Тексеру комиссиясы ретінде өңір кураторлары және есеп- қисап мәселелері бойынша бас бухгалтер тағайындалды. Тексеруде қаралған мәселелер: мешіттің ішкі тазалығы, мешіттің сыртқы (ауласы) тазалығы, дәретхана тазалығы, бейнебақылау камераларының орнатылуы, мешіт және имамдарға қажетті 15 құжаттың түгенделуі, сонымен қатар мешітке арналған кіріс- шығыс журналдары, неке қию және балаға азан шақыру журналдары, жұмысшыларды тіркеу журналдарының арналғандығын және олардың күнделікті қолданыста екендігін қадағалау болатын. Бухгалтериялық жұмыс бойынша: садақа жәшіктерінде комиссия мүшелерінің қолы қойылып, мөрленіп, құлып салынғандығы, мешіттің бұйрық журналы, есеп- қисапты жүргізу үшін кіріс-шығыс журналдары, кассалық кітап, айлық жіәне басқа кірістер қаралды. Мешіттің тазалығы- имамның тазалығы ұранымен ауданда орналасқан Жетісай қаласы, Асық ата кенті, Атакент және Мырзакент кенттері толығымен тексерліуден өтіп, бас имамға қорытынды тапсырылды.

Мақтарал аудандық «Нұғман» мешітінің баспасөз қызметі