Желтоқсан айының 18 күні Арыс қаласы Монтайтас ауылы «Монтайтас» мешітінде пайғамбарымыз – Мұхаммед (с.а.с) туған күні – «Мәуліт» мерекесі атап өтілді. Мәуліт мерекесіне арналған жиынды Арыс қаласы орталық «Ысқақ» мешітіің найб имамы Қ.Қазыбаев қасиетті Қүран Кәріммен ашып, мерекеге жиналған барша мешіт жамағатымен ауыл тұрғындарын қасиетті «Мәуліт» мерекесімен құттықтап, пайғамбарымыз Мұхаммед (с.а.с) ғибратқа толы өмірі жайлы уағыз айтып, халықты ұлық мерекемен құттықтады. Аталмыш мәуліт мерекесінде пайғамбарымыз (с.а.с) ның өмір тарихы және сахабалар турасында сұрақ-жауап ретінде жарыс өтті. Игі іс шара соңында жиналған жамағатқа дастархан жайылып, пайғамбарымызға (с.а.с) салауат айтып мәуліт дұғасы оқып, хатым Құран бағышталды.

« Ысқақ» орталық мешітінің баспасөз қызметі