Қазақстан мұсылмандары діни басқармасы Шымкент орталық мешіті жанындағы қалалық Әдеп кеңесінің кеңейтілген отырысы өтті.

         Кеңес жұмысына Шымкент  орталық мешіттің найб имамдары Мұсабек Ақтамберді, Мұхамеджан Естеміров, Қазыбек Сарыбаев, қалалық бас имамның кеңесшісі Бекайдар Әміре және сала бойынша жауапты мамандар мен қалалық мешіттердің имамдары мен ұстаздары қатысты.

         Басқосу аясында Б.Әміре,  М.Ақтамберді, М.Естеміров, Қ.Сарыбаевтар ҚМДБ тарапынан қабылданған «Мешіт имамдарының қызметтік әдебі» құжаты бойынша баяндама оқыды.

         Жалпы, кеңес жұмысында дін қызметкерлерінің өзіне жүктелген міндеттерін кәсіби деңгейде орындауы,  мешіт және қоғамдық  орында,  әлеуметтік желілерде және бұқаралық ақпарат құралдарына  сұхбат беру мәдениеті т.б. ережелер кеңінен түсіндірілді.

ҚМДБ-ның Шымкент қаласы бойынша баспасөз қызметі