ХХ ғасырдың ортасында орын алған қанды оқиғалардың бірі- ол жаппай жазалау үкімі болатын. Заңсыз қаншама адамдар қудаланып, миллиондаған азамат ажал құшты. Ана- баладан, отанасы- отағасынан айрылып, қаншама отбасылар жетім, жесір қалды. Оларды тіпті, отанын сатқандар деп атады. Тек қана еліміз өз тәуелсіздігін алғаннан соң «саяси қуғын- сүргін құрбандарын ақтау туралы» Заң қабылданып, 1997 жылдың 31- мамырынан бастап, «саяси қуғын- сүргін құрбандарын еске алу күні» болып бекітілді. Дүние салған шәһидтерді еске алуды дін қызметкерлері де ұмытпақ емес. Кеше, Мақтарал ауданы бойынша мешіттерде Құран оқылып, қуғын- сүргін құрбандарына дұға жасалынды. Жазықсыз жала кесірінен өмірден озған азаматтар туралы ауданымыздың құрметті азаматы, батагөй ақсақал Бекахметов Оразқожа айтып өтіп, қазіргі ел тыныштығына шүкіршілік етуді жас ұрпаққа аманат етті.
Мақтарал аудандық «Нұғман» мешітінің баспасөз қызметі