Біз «Бір тал кессең, он тал ек» деген мақалды тіршіліктің қағидасына айналдырған халықпыз. Үлкеннен үлгі болып, ұрпаққа жалғасқан өнегелі өмірлік дағдыларымыздың бірі – ата мен баланың ағаш отырғызуы. Наурызда көрініс табатын осынау игі амалдың мәні ерекше.«Қиямет боларын біліп тұрсаң да қолыңдағы бір түп ағашты отырғызып қал», – деген хадистің тәрбиелік мағынасы тереңде жатыр. Осы өсиеттерді орындау мақсатында Төлеби ауданына қарасты мешіттердің имам –молдалары мен жамағаттары көктем мерзімін тиімді пайдаланып, ағаш отырғызуды бастап кетті. Отырғызған ағаштар амал дәптерімізде сауапқа айналатынын сезінген әр бір жан наурыз айын тиімді пайдалану керек. Сол егілген ағаш қурап біткенше біздерге дұға тілеитіні тағы ғанибет.
Төлеби ауданы Нұр мешіті баспасөз қызметі