Алла елшісі, Пайғамбарлар мөрі Мұхаммед (с.а.с) Әбу Һурайрадан (р.а) жеткен хадисте: Адамдарға алғыс білдірмейтін адам- Аллаға шүкіршілік етіп жарытпайды- деген. Осынау тамыры терең, тұңғиық хадистерден нәр алған ата- бабаларымызда: «Алғыс алған- арымас, қарғыс алған- жарымас»-дей келе, мұсылмандардың бір- біріне алғыс білдіруі керектігін меңзеген. Елбасымыз Нұрсұлтан Әбішұлы: барлық ұлттың бір- біріне және осы адамдарды қабылдаған, аяушылық білдірген қазақтарға алғыс айту күні деп белгіленсе, әділетті болар еді- деген керемет сөзі бар еді. Сондықтан да Президентіміздің жарлығымен «1 наурыз- алғыс айту күні» болып бекітілді. Осы орайда Аудандық «Нұғман» мешітінің бас имамы Сыздықов Бекзат Жаңа жол ауылдық округі, Фердауси елді мекенінің тұрғындары, ақсақал- қарияларымен арнайы жолығып, кездесу өткізді. Осы ауылда орналасқан «Молла Исмайыл» мешітінде жылы жүзді ауыл халқыменен сұхбаттасып, келе жатқан ел мерекесі «Алғыс айту» күнімен құттықтады. «Ынтымақ жүрген жерде- ырыс бірге жүреді»- тақырыбында насихат жасап, елдің бірлігін сақтау барша мұсылманға парыз екендігін айтты. Қағынған қарғыс алар, қарасқан алғыс алар дегендей, бір- бірімізге бауырмалдық қасиеттерімізді білдіре жүрейік- деп, сөзін аяқтады. Кездесуге қатысқан ауыл ақсақалдары: «Біз Оңтүстік Қазақстан облысы, Мақтарал ауданы, Фердауси елді мекенінің тұрғындары 1937 жылдан бері осы елді мекенде қасиетті қазақ топырағында өніп- өсіп, өмір сүріп жатырмыз. Біз әрқашанда Тәуелсіз еліміз үшін, Елбасымыз үшін, Дінбасымыз үшін дұғадамыз. Осынау кең- байтақ, киелі топырақты нәсіп қылған Аллаға, екінші құшағы кең, дархан халық- қазақ бауырларымызға алғыс айтамыз»- деп, ыстық ықыластарын білдірді.
Мақтарал аудандық «Нұғман» мешітінің баспасөз қызметі