Қасиетті Рамазан айының құрметіне Сейітжан қари мешітінің ДСАК шәкірттері «Жақсылық жасап жарысайық» атты игі амал ұйымдастырды. Рамазан — мейірім мен жанашырлықтың, қайырымдылық пен сауаптың айы. Осыны жүрекпен сезінген шәкірттер қолдан келгенше жақсылыққа үлес қосып, азық-түлік жинап, төрт отбасының қуанышына себепші болды.
Берілген азық-түліктер Қазақстан мұсылмандары діни басқармасы бекіткен халал сертификаты бар өнімдерден алынды. Бұл — адал асқа мән беру, мұқтаж жандарға қамқор болу және қоғамда мейірімділік мәдениетін қалыптастырудың көркем үлгісі.
Пайғамбарымыз Мұхаммед пайғамбар(с.а.с):
«Адамдардың ең жақсысы — адамдарға пайдасы тигені» деген.
Осындай игі амалдар жүректерді жақындастырып, қоғамға жылулық сыйлайды. Алла Тағала жасалған жақсылықтарды қабыл етіп, берекесін еселеп қайтарсын.
