«Мұсылман әйелінің киім кию үлгісі» атты ашық сабақ өтті.
Шымкент қаласы “Есжанұлы Сейітжан қари” мешітінде «Мұсылман әйелінің киім кию үлгісі» тақырыбында ашық сабақ өтті. Шараға әйел-қыздар бөлімінің шәкірттері қатысты.
Ашық сабақты Шымкент қаласының әйел-қыздар секторының жетекшісі Асылханқызы Балжан ұстаз жүргізді. Сабақ барысында ұстаз шәкірттерге шариғатқа сай киім киюдің талаптарын, киімнің мұсылман әйелінің ар-намысын қорғаудағы маңызын түсіндірді.
Сондай-ақ Балжан ұстаз қазақ халқының әйел-қыздарының киіну дәстүрін мысалға алып, ислам мен ұлттық дәстүрдің үйлесімді байланысын көркем түрде салыстыра отырып жеткізді.
Іс-шара соңында шәкірттер өз көкейлеріндегі сұрақтарын қойып, толыққанды жауаптар алды. Ашық сабақ әйел шәкірттер үшін рухани әрі танымдық маңызы зор шара болды.
