Шымкент қаласы, «Узғон ата» мешітінде ұстаз Мухаббат Ергашеваның ұйымдастыруымен шәкірттерге «Исламдағы әдеп және ахлақ» тақырыбында тәрбиелік кездесу өтті.
Кездесуде мұсылман бойындағы көркем мінез, ата-ананы құрметтеу, қыз баланың қоғамдағы орны, үлкенге ізет, адалдық, ашуды жеңу және сабырлылық секілді тақырыптар кеңінен түсіндірілді.
Оқушылар сұрақтар қойып, пікірлерімен бөлісті. Ұл-қыз балаларға күнделікті өмірде әдеп қағидаларын ұстанудың нақты жолдары айтылып, жиын жылы әрі пайдалы рухани әсер қалдырды.
ҚМДБ-ның Шымкент қаласы бойынша баспасөз қызметі
