Шымкент қаласының бас имамы Бақдаулет қажы Нұрматұлының тапсырмасына орай, Еңбекші ауданының бас имамы Ербосын қажы Бектұрсынұлының қолдауымен, «Зекет және қайырымдылық» қорының аудан бойынша жауапты «Ар-Рақиб» мешітінің имамы Ержігіт Досумбаевтың ұйымдастыруымен және Шымкент қаласындағы «Мүмкіндігі шектеулі балалардың аналары» қоғамдық бірлестігінің атсалысуымен 50 мүмкіндігі шектеулі балаларды аналарымен Сарыағаш ауданы, «Сарыағаш» мешіт-медресесіне арнайы автобуспен апарып қайтты.

ҚМДБ-ның 35 жылдығына арналған қайырымдылық шараның ұйымдастырушысы Имам Ержігіт Досумбаев бастаған қонақтарын «Сарыағаш» мешіт-медресесінің басшылығы күтіп алып, балаларға мешіт-медресенің тыныс-тіршілігімен таныстырып, төңірегіндегі көлді қайықпен тамашалатты. Сондай-ақ, дәмханада арнайы әзірленген дастарханнан тамақтанды.

ҚМДБ Шымкент қаласы бойынша баспасөз қызметі