ҚМДБ ізгі қоғам бағыты аясында «Muftyat» баспасынан жарық көрген кітаптарды насихаттау, таныстыру, үлестіру шарасы  «Шымкент» медресе-колледжінің ғылыми кітапханасында өткізілді.

Игі шараға Шымкент қаласының бас имамы орынбасары Мұхамеджан Естеміров,  «Шымкент» медресе-колледжінің директоры Талғат Әсембай, директордың тәрбие ісі жөніндегі орынбасары Бейбіт Бітебаев және ұстаздар мен шәкірттер қатысты.

Аталмыш оқу ордасының ғылыми кітапханасына «Muftyat» баспасынан жарық көрген «Дін мен дәстүр ІІІ», «Ислам энциклопедиясы», «Үміт сәулесі», «Исламдағы сауда-саттық», «Мақтаулы Мұхаммед», «Бабалар ізімімен – қазақ даласындағы мұсылмандық мектеп», сынды әртүрлі құнды кітаптармен толықты сынды әртүрлі құнды кітаптармен толықты. Бұл жұмыстар әрі қарай жалғасын табатын болады.  

Айта кетсек,  аталмыш оқу ордасында 400-ден астам шәкірт тәлім алуда.  Ал кітапхана қорында ҚР Ақпарат және қоғамдық даму министрлігі Дін істер комитетінің дінтану сараптамасы және ҚМДБ Сараптта комиссиясынан өткен 13659 кітап тіркелген.

ҚМДБ-ның Шымкент қаласы бойынша баспасөз қызметі