Шардара қаласы С. Құрманғазы жалпы орта мектебінің ұйымдастыруымен «Дін және дәстүр», – атты тәрбие сағатына мектептің тәрбие ісі жөніндегі орынбасары М. Әділхан, аудандық ішкі саясат бөлімінің бас маманы А. Алибеков, аудан имамы А. Данияров, аудандық жастар өкілі Қ. Бекмұратов, мектептің дін тану негіздері пәнінің мұғалімі Қ. Садықбаев қатысты. Аудан имамы сөз кезегінде Қазақстан мұсылмандары діни басқармасының төрағасы, Бас мүфти Ержан қажы Малғажыұлының бастамасымен жарық көрген «Дін мен дәстүр» кітабымен таныстырып өтті. Біздің қазақ халқының да ғасырлардан жалғасып келе жатқан өз әдет- ғұрыптары мен салт – дәстүрі және наным сенімдері бір бүтіннің бірін – бірі толықтастырып тұратын екі жартысы іспетті. Егер наным сенімі халықтың жүрек амалдарының көрсеткіші десек, әдет – ғұрып, салт – дәстүрі сыртқы амалдарын қамтиды.

Шардара ауданы «Шардара» орталық мешітінің баспасөз қызметі