Шымкент қаласы Қаратау ауданы Байғұт баба мешітінің әйел-қыздар бөлімінде екі айдан бері ерекше әдістермен діни сауат ашу курсы өтуде. Міне бүгін осы курстың екінші легі аяқталды.
«Иманыңды қуатта» курсының қорытынды кешіне өз демеуін ұсынған осы мешіттің бас имамы Желеуов Дастан Сүлейұлы кешке арнайы қатысып өз лебізін білдіріп, құттықтау сөзін айтты. 
«Әйел-қыздар» секторының жетекшісі Досжанова Балжан Асылханқызы Құран оқудың, оны өмірмен көтеріп жүрудің артықшылығы мен жауапкершілігі жайлы уағыз-насихаттарын айтты. Осы курсқа орасан зор еңбегі сіңген, осы мешіт ұстазы Омарова Гүлжан Нұрланқызы да жүрек жарды құттықтауын айтып жүректерді жібітті.
Бұл курсқа 300 қыз-келіншек тіркеліп оның 150-і курсты тәмәмдап марапат қағаздарын алды. Құран оқуды өз ережесіне сай оқуды үйренген 150 шәкіртке тәж кигізіліп, сыйлықтар берілді.

ҚМДБ-ның Шымкент қаласы бойынша баспасөз қызметі