Шымкент қаласы Қаратау ауданы «Қарабура әулие» мешіті және «Аңламас ата» мешіті әйел-қыздар жамағаты «ИМАНИ ЖАЗ-2023» жаздық діни сауат ашу курсының қорытындысын жасады. Жалпы жаздық діни сауат ашу курсына қатысқандар саны 70ке жуық болып, соның тең жартысы, яғни 33 қыз-келіншек Құран оқып үйренді. Діни сауат ашу курсына қатысқан шәкірттер де арнайы алғыс хаттармен, сыйлықтармен марапатталды.  Ал жаздық діни сауат ашу курсында өзін тек жақсы қырынан көрсетіп,  Құранға түскен қыз-келіншектерге де арнайы алғыс хаттар, бастарына тәж, Құрандар сыйланып, екі мешіт имамдары Аманжол Серікбаев және Серік Мүслімұлы арнайы сөз сөйлеп, жамағатқа ыстық лебіздерін білдірді.  Аталған іс-шара барысында Құран туралы түрлі видео-роликтер көрсетіліп, жамағат арасында сұрақ-жауап ойыны ойнатылды. Осы іс-шараның өтуіне атсалысқан барша игі жақсыларға алғысымыз шексіз. Аталған іс-шараның өтуіне атсалысқан 2 мешіт жамағатына және де Нұргүл ұстазымызға арнайы алғыс білдіреміз! Алла Тағала баршамызды Фирдаус Жәннәтімен, Өзінің дидарымен қауыштырған құлдардан етсін.

ҚМДБ-ның Шымкент қаласы бойынша баспасөз қызметі