Бүгін ҚМДБ бекіткен «Ислам және ізгі қоғам» жылы аясында ҚМДБ жанындағы Республикалық Бас мешітінде  ҚМДБ-ның Астана, Шымкент  қалалары бойынша өкілдіктері тәжірибе алмасу мақсатында «ДІН МЕН ДӘСТҮР ТАҒЫЛЫМЫ» атты республикалық рухани семинары ұйымдастырылды.

Тұңғыш ұйымдастырылған рухани семинарға Астана қаласының бас имамы Ерболат  Жүсіпов, Шымкент қаласының бас имамы Бақдаулет Абдрахманов,  ҚМДБ жанындағы Республикалық бас мешітінің имамы Қанат Қыдырмин, дәстүртанушы-магистр Мұхамеджан Естеміров және қос шаһардағы «Әйел-өыздар» секторы мен «Әжелер» мектебінің мүшелері қатысты.

Семинарды Астана қаласының бас имамы Ерболат  Жүсіпов ашып,  ҚМДБ Төрағасы, Бас мүфти Наурызбай қажы Тағанұлының рухани семинар жұмысына сәттілік һәм құттықтау сәлемін жеткізді.

Осыдан кейін, қос шаһар бас имамдары мен «Әжелер» мектебінің мүшелері кезек-кезегімен сөз сөйлеп, дәстүрімізге қатысты түрлі тақырыптар бойынша ойлары мен ұсыныстарын ортаға салды.

Мұнымен қатар, басқосу аясында Шымкенттік әжелеріміз дәстүге сәйкес елордаға тойбастар, шашу ретінде сый-сяипат, тарту-таралғыларымен келіп, дәстүрімізді ерекше жаңғыртты.  Жоғары деңгейде өткен рухани семинар соңында қос тараптан келген қатысушыларға сертификат табысталды.

Айта кетсек,  шара барысында  ҚМДБ «Дархан дала» отандық туризмды насихаттау бойынша делегат мүшелері елорданың көрікті орындары мен мұражайларын аралап тамашалады.

ҚМДБ-ның Шымкент қаласы бойынша  өкілдігінің баспасөз қызметі