Бүгін Шымкент қаласында орналасқан «Шымкент» медресе колледжінің 2023 жылғы түлектеріне диплом табыстау шарасы өтті.      

Игі шараны «Шымкент» медресе-колледжінің директоры Талғат Әсембай мырза ашып, бітіруші түлектерге ҚМДБ Төрағасы, Бас мүфти Наурызбай қажы Тағанұлының сәлемін жеткізіп, қызмет барысында табыс, жеміс һәм сәттілік тіледі.

Биылғы жылы  «Шымкент» медресе-колледжін 50 шәкірт тәмамдады. Оның 34 ерлер болса, 16 қыз-балалар. 2 шәкірт үздік атанып қызыл диплом иегері атанды.  Сондай-ақ, 1 студент оқуын әрі қарай жалғастыру үшін  Түркия Республикасы «Хасеки» діни академиясына оқуға түсті. Ал 4 студент Алматы қаласындағы «Нұр-Мүбәрак» Египет Ислам мәдениеті университетіне үміткер ретінде құжаттарын өткізді. Мұнымен қатар, ҚМДБ Төрағасы, Бас мүфти Наурызбай қажы Тағанұлының бұйрығымен бітіруші түлектер имам, наиб имам, ұстаз және азаншы сынды қызметтерге бөлінді. 

ҚМДБ-ның Шымкент қаласы бойынша баспасөз қызметі