Бүгін ҚМДБ-ның діни білім және кадр дайындау бағыты бойынша Шымкент орталық мешітінде 2023 жылғы балаларға арналған «Имани жаз – 2023» атты жазғы діни сауат ашу жаумысының ашылу шарасы  ұйымдастырылды.

Курс жұмыстарын ҚМДБ Шымкент қаласының бас имамы Бақдаулет Абдрахманов, шаһар бас имамының орынбасары дінтанушы-магистр Мұхамеджан Естеміров, қалалық діни оқу ағарту саласына жауапты маман әрі найб имам Қазыбек Сарыбаевтар қатысып сәттілік тіледі.

Ал курс жұмыстарын Нұрсұлтан Мамедалиев, Бекжігіт Аман, Әли Анарқұлұлы, Жұмағали Сүйін, «Әйел-қыздар» сектерінің ұстазы Балжан Досжанова және Күлсара Бекет бастаған ұлағатты ұстаздар  дәріс жүргізуде.

Курс барысында ҚМДБ-ның діни білім және кадр дайындау бөлімінің меңгерушісі Смайл Сейтбековтың тарапынан әзірлеген «Балаларға жазғы лагер курстарының оқу бағдарламасы» құжаты негізінде «Муалим сәни», «Құран әліппесі»,  «Әдеп» және «Имандылық әліппесі»  кітаптары негізінде дәрістері өткізіледі.

Жалпы, бүгінгі таңда қала бойынша 90 мешітінде күндізгі діни сауат ашу лагерлерінде 2558 шәкірттер тәлім алып жатыр. Бұл бағыттағы жұмыстар әрі қарай  дамып, саны мен сапасы артып келеді.

ҚМДБ-ның Шымкент қаласы бойынша баспасөз қызметі