Еліміздің ертеңі, тұғыры биік Тәуелсіздігіміздің болашағы – балалар. Баланы бастан десек, балалар кітапханасына көбірек көңіл бөліну қажет. Өйткені жастайынан кітап оқуға ынталанған бала — ертеңгі жасөспірім оқырман.

         Осы орайда, Шымкент қаласына іссапармен келген ҚМДБ «Зекет және қайырымдылық» қорының директоры Мақсатбек Мақсотұлы Қайырғалиев  Түркістан облыстық  Ыбырай Алтынсарин атындағы балалар кітапханасының оқырмандарына көңіл бөліп  Қазақстан Мұсылмандары Діни Басқармасы, Түркістан облысы және Шымкент қаласы Дін істер басқармасы бірлесе отырып «Зекет және қайырымдылық» қорының атынан балалар мольберттерін, кілемшелер және ноутбук сыйға тарту етті.

         Бұл игілікті шараның негізгі мақсаты – жазғы демалыс мезгіліндегі балалар мен жасөспірімдердің уақытын тиімді пайдалануына жағдай жасау.

          Игі шара аясында Ыбырай Алтынсарин атындағы балалар кітапханасының директоры  Құдайбергенова  Ақмарал Асанқызы өзінің және   оқырмандар атынан үлкен алғыс білдіре отырып, балаларға жақсы көңіл-күй сыйлайтын қайырымды жандар көп болсын деп тілейміз.

         Айта кетсек, игі шараға  Астана қалалық «Зекет және қайырымдылық» қорының директоры  Әли Мирзақұлов,  қалалық «Зекет және қайырымдылық» қорының өкілі Айбек Азимбаев бастаған еріктілер тобы қатысты.

ҚМДБ-ның Шымкент қаласы бойынша өкілдігінің баспасөз қызметі