Шымкент қаласы Еңбекші ауданы Исамиддин баба мешіті жанынан қыз-келіншектерге арналған Sakina_club ұжымы 1-жылдық мерейтойын атап өтті. Айтулы шараға қаламыздың ардақты әжелері мен сыйлы қонақтары қатысты. Қыз-келіншектердің рухани дамуына кұш салып жүрген ұстаз Гүлжан Сыдықова клубтың жаңа жаңалықтарымен бөлісті. Клуб атынан әйелдердің денсаулығын күтуге арналған фитнес орталығы ашылғанын жариялады.
Мерейтой барысында Шымкент қаласы Қаратау ауданы Байғұт баба мешітінің ұстазы Гүлжан Нұрланқызы @sakina_club_brand үйге арналған сәнді бұйымдардың тұсауын кесті. Осындай игі істің одан әрі жақсылыққа бастама болып әйелдердің дамуына үлес қоса беруіне өз тілегін білдірді. Кеш соңы сұрақ-жауап ойындары мен сыйлықтар табыс етумен жалғасты.

ҚМДБ-ның Шымкент қаласы бойынша баспасөз қызметі