Бүгін касиетті Мекке қаласында ұмра қажылық өтеп жүрген «Тауаф» қажылық компаниясы арқылы барған қажы бауырларымыз Түркия Республикасының Каһраманмараш провинциясына қарасты Пазарджык ауданында болған жер сілкінісіне байланысты табиғи апаттан көптеген тұрғындардың қаза тапқан бауырларымызға дұға етті. Игі шараны Меккеде жүрген қалалық » Тауаф қажылық компаниясының өкілі Азамат Әбдікерімұлы ұйытқы болды. Сан ғасырға жуық достық, рухани байланысымыз қай салада болмасын көрініс тауып келеді. Ауыр қайғыға душар болған отбасыларға Хақ Тағаладан көркем сабыр, қиындығына жеңілдік нәсіп етсін.

Алла Түркия еліне жар болсын!

Қазақстан мүсылмандары діни басқармасы Шымкент қаласы бойынша баспасөз қызметі
Мекке қаласы