Бүгін Қазақстан мұсылмандары діни басқармасының төрағасының орынбасары, Найб мүфти Мырзабаев Кенжеәлі Қоңыратбайұлы Шымкент қаласына іссапармен келді.

Сапар аясында  Найб мүфти Кенжеәлі қажы Қоңыратбайұлы, Шымкент қаласының бас имамы Бақдаулет Абдрахманов т.б.  азаматтар мен бірге ҚМДБ-ның «Darhan Dala Travel» отандық туризмді насихаттау бойынша Шымкент қаласы, Қаратау ауданы, Сайрам ауылында орналасқан Қ.А.Яссауидың ата-анасы «Ихраһим ата» мен «Қарашаш ана» және әулие ұстаз «Абдулазиз баб» кесенелеріне зиярат етіп, дұға оқыды.

Айта кетсек, қалалық «Darhan Dala Travel» отандық туризм саласының жетекшісі Мұхамеджан Естеміров атқарылған жұмыстар туралы қысқаша баян етті.   Сондай-ақ, зиярат ету барысында ҚМДБ төрағасының орынбасары, Найб мүфти Кенжеәлі қажы Қоңыратбайұлы ҚМДБ-ның «Darhan Dala Travel» отандық туризмді саласы бойынша жұмыстарға оң бағасын беріп,  жоспар аясында кеңінен насихаттау һәм дамыту жөнінде нақты тапсырмалар берді.

ҚМДБ-ның Шымкент қаласы бойынша баспасөз қызметі