Қазақстан мұсылмандары діни басқармасы «Уақып» қорының басқарма төрағасы Ардақ Оразбаевтың қатысуымен  Шымкент орталық мешітінде  «Уақып – сарқылмайтын сауап» атты аймақтық ақпараттық-насихаттау семинары ұйымдастырылды. Семинар жұмысын шаһар бас имамы Бақдаулет қажы Нұрматұлы ашып,  жүргізіп арнайы келген қонақты таныстырды. Әуелі жиын қасиетті Құран оқумен басталды. Осыдан кейін,  ҚМДБ  «Уақып» қорының басқарма төрағасы Ардақ Нүсіпханұлы сөз алып, ҚМДБ Төрағасы Бас мүфти Наурызбай қажы Тағанұлының имамдарға жолдаған сәлемін жеткізді. Ардақ Нүсіпханұлы өз баяндамасында уақып қорының мақсат міндеттері мен  атқаратын жұмыс жоспарымен кең көлемде таныстырып, дәріс оқыды.  Сондай-ақ,  басқарма төрағасы мешіт жанынан діни һәм азақ-түлік дүкенін, асхана, қасапхана, Ислам емдеу орталықтары, қызметкерлердің қызметтік баспанасы т.б. кіріс көздерін жүзеге асыру туралы нақты тапсырмалар беріп, бұл жұмысты әрбір мешіт имамы атқсалысу қажет екендігін нақтылап айтты. Кездесу барысында  Шымкент қаласына арнайы іссапармен келегн ҚМДБ «Уақып» қорының басқарма төрағасы Ардақ Нүсіпханұлына  шаһар бас имамы Бақдаулет қажы Нұрматұлы алғыс айтып, ризалық білдірді. Айта кету керек,  семинарға Шымкент қаласы  бойынша өкілдігінің сала бойынша жетекшілері, мешіт имамдары мен ұстаздары қатысты. Қатысушылар тарапынан қойылған көптеген сұрақтарға тұщымды жауап берілді.

ҚМДБ-ның Шымкент қаласы бойынша баспасөз қызметі