Қазақстан мұсылмандары діни басқармасына қарасты «Уақып» қорының басқарма төрағасы Ардақ Нүсіпханұлы Шымкент қаласына арнайы іссапармен келді. Сапар аясында қалалық «QAMQOR-SHARAPAT» салттық қызмет көрсету орталығының жұмысымен танысты. Атқарылып жатқан жұмыстар туралы  Шымкент қаласы бас имам орынбасары Мүхамеджан Естеміров  пен   қалалық «QAMQOR-SHARAPAT» салттық қызмет көрсету орталығының жауапты өкілі Ербосын Орын таныстырып, баяндады.  Атап айтқан,  қала аумағынан арнайы бөлінген зират орындарының ішінен арнайы жер-секторлар бөлінуде, көктас шеберханалары мен осы бағытта қызмет көрсететін мәйіт тасымалдайтын арнайы катафалка көліктері т.б. атқарылып жатқан жұмыстары туралы  таныстырды. Кездесу барысында  ҚМДБ Төрағасы Бас мүфти Наурызбай қажы Тағанұлының тапсырмасымен арнайы келген «Уақып» қорының басқарма төрағасы Ардақ Нүсіпханұлына  шаһар бас имамы Бақдаулет қажы Нұрматұлы алғыс айтып, ризалық білдірді. Айта кетсек,  Шымкент қаласында 37 мұсылман зираты, 2 мәйіт тасымалдайтын арнайы катафалка көліктері мен 150 табыт бар,  мәйіттерді жуындыратын 25 қызметшілер (ер,әйел) жасақталды. Және замануи түрде жабдықталатын 2 мәйітхана құрылысы жүргізілуде.

ҚМДБ-ның Шымкент қаласыбойынша баспасөз қызметі