Шымкент қаласының Әл-Фараби аудандық «Абдулхамит Қаттани» мешітінің имамдары мен «Әжелер мектебі» және жамағаты ҚМДБ-ның «Дархан дала» жобасы аясында бас имамы Ахметжан Керімбектің бастамасымен киелі Түркістан қаласындағы «Қожа Ахмет Яссауи» киелі мекеніне зиярат жасап, бабалар рухына Құран бағыштады.
Айта кетсек, Бас мүфти Наурызбай қажы Тағанұлының бастамасымен отандық туризмді дамытуға үлес қосу мақсатында «Дархан дала» жобасы іске қосылған болатын. Жоба мақсаты – халық арасында дін мен дәстүрімізге сай киелі орындарды зиярат ету мәдениетін қалыптастыру, жұртшылыққа шариғат әдебін сақтауды үйрету, тарихи, киелі орындарға тур ұйымдастыру.