Шымкент қаласы «Әйел-қыздар» секторы ұстаздары біраз айдан бері Furqan онлайн қарилер мектебін ашып , @furqan_qm парақшасында үй ханымдарына ыңғайлы әдіспен Құран жаттатуда.

Міне бүгін осы парақшада жасалған жұмыстардың нәтижесін көрсету үшін және жаңа қосылатындарға онлайн мектеппен таныстырып, жұмыстың мән мағынасы мен мақсатын түсіндіру үшін осы мектептің Қари ұстаздарымен кездесу өткізілді. Қарилермен кездесу кеші Шымкент қаласы «Әйел-қыздар» секторы жетекшісі Досжанова Балжан Асылханқызының алғысөзімен басталып,  қарилердің Құран жаттау әдістемелерімен бөлісуімен жалғасты. Арасында ойын түрінде Құранға қатысты сұрақтар қойылып, сыйлықтар беріліп, әжелердің батасымен аяқталды.

Осы онлайн қарилер мектебінде 150ге жуық қыз-келіншектер Құран сүрелерін жаттауда. Соның ішінде атап айтатын болсақ екі айда ғана Бақара сүресін жаттап бітірген Сая Бәделханқызына осы кеште алғыс хат табысталды.

Осы мектептің құрушысы Омарова Гүлжан Нұрланқызы  және қари ұстаздары Маканова Айгүл Есенқызы, Талхатова Гузал Шухратбекқызы, Əбдірəсіл Зейнеп Әбдіжаппарқызы, Какенова Диана Казбекқызы, Садық Айша Әбдіқаһарқызы, Айбосинова Мейрамгүл Амангелдіқызы, Ержігіт Сымбат Даниярқызы осы мектепке еңбектерін сіңіруде.

Шымкент қаласы орталық мешітінің баспасөз қызметі