IMG 0793

IMG 0793

Шымкент әуежайында қажылық сапарға шығарып салу салтанаты өтті. Шымкентте тұңғыш рет ресми түрде ұйымдастырылған игі шараға ҚМДБ-ның төрағасы, Бас мүфти Ержан қажы Малғажыұлы мен Сауд Арабия Карольдігінің Қазақстандағы Төтенше және өкілетті елшісі Горм Сайд Малхан, Оңтүстік Қазақстан облысының әкімінің орынбасары Ұлысбек Сәдібеков, ҚМДБ-ның найб мүфтиі Серікбай қажы Ораз, өкіл имам Ахметжан қажы Керімбек қатысып, азаматтарға сәт сапар тіледі.
Бүгін Шымкент әуежайынан төрт жүзден астам адам алғашқы қажылыққа бара жатыр («Атлас туризм» – 28, «Хикмет травел» – 12, «Әл Маруа» – 197, «Қызмет саяхат» – 40, «Санабил» – 100, «Хидаят нұр» – 20 адам).
Сондай-ақ, Қазақстан азаматтарын қажылыққа халықаралық «Flay Nas» әуе компаниясы тасымалдайтын болды. Қазақстан Мұсылмандары Діни басқармасы мен Сауд Арабиясы Корольдігінің өкілдері осындай ортақ мәмілеге келді. Мұсылман қауымы үшін Исламның бес парызының бірі – қажылыққа бару болса, осы жылы қасиетті орынға құлшылық етуге елімізден үш мыңнан астам азамат аттанады.
Қазақстан мұсылмандары діни басқармасының төрағасы, Бас мүфти Ержан қажы Малғажыұлы хазрет: «Қажылық парызының жауапкершілігі мен марапаты шексіз құлшылық. Шамасы жеткен әрбір мұсылман баласына қажылық ғибадаты парыз болғандықтан, оны орындаушы, ең бірінші, Алланың сый-сияпатына кенеледі. Қажылық ғибадатын ықыласпен орындаған адамның күнәларының кешірілетіні жайлы Пайғамбарымыз (Алланың оған игілі мен сәлемі болсын): «Кімде-кім қажылық парызын өтеу барысында бос әрі жаман сөзден, сондай-ақ, үлкенді-кішілі күнәлардан бойын аулақ ұстаса, анасынан жаңа туғандай пәк болып қайтады»,– деген.
Мұнымен қатар, Бас мүфти Ержан қажы Малғажыұлы хазрет еліміздің барша азаматтарын Ата Заң күні мерекесімен құттықтап, ізгі ниетін білдірді.
Әуежайдағы салтанатты рәсімде елге танымал әншілер мен ақындар жырдан шашу шашып, ғибратты толғаулар орындалды. Қажылық сапары барысында қажыларға білікті дін қызметкерлері мен дәрігерлер қызмет көрсетеді. Ал наиб мүфти Серікбай қажы Ораз ҚМДБ Қажылық миссиясына төрағалық етеді.
Алла еліміздің азаматтарының қажылық амалдарын қабыл етіп, еліміз тыныш, жұртымыз аман болғай.

 

ҚМДБ-ның ОҚО бойынша өкілдігінің баспасөз қызметі

 

IMG 0758

IMG 0771

IMG 0780

IMG 0793

IMG 0838

IMG 0774

IMG 0817

IMG 0811

IMG 0784

IMG 0843

IMG 0866

IMG 0852

IMG 0860

IMG 0812

IMG 0747

IMG 0736

IMG 0912

IMG 0940

IMG 0950

IMG 0952

IMG 0953

IMG 0946

IMG 0954

IMG 0974

IMG 0990

от Редакция

Қазақстан мұсылмандары діни басқармасының Шымкент қаласы бойынша өкілдігі, Шымкент орталық "Halifa Al-Nahaian Aqmeshiti" мешіті. Мекен жайы: ҚР Шымкент қаласы, Темірлан тас жолы, н/з Тел: 8(7252)45-33-38

Добавить комментарий