Мүфтият жанындағы «Халал даму» ЖШС 2018 жылы 148 кәсіпорынға «ҚМДБ халал» сертификатын берді. Бұл туралы ҚМДБ Халал стандарттау бөлімінің меңгерушісі Бейбіт Мырзагелдиев мәлімдеді. Оның айтуынша, бүгінде 351 кәсіпорын ҚМДБ-ның халал сертификатына ие болған.

Еліміз бойынша, 66 дәмхана, 58 ет өнімдері, 30 шұжық өнімдері, 25 тамақ өндірісі, 4 құс фабрикасы, т.б. кәсіпорындар сертификаттаудан өткен.

«Бүгінгі күнге дейін 1002 өнім арнайы лабороториялық зертханада тексеруден өтті. Қызметімізді халықаралық деңгейге көтеру мақсатында Литва, Белорусь елдеріндегі халал стандарттау ұйымдарымен екіжақты меморандум қабылдадық. Биылғы жылдың басты жетістігі: «Халал даму» ЖШС-і малайзиялық JAKIM халықаралық ұйымының тізіміне енді. Бұл – біздің жұмысымыз халықаралық стандарт талаптарына сәйкес келеді деген сөз», – деп атап өтті Б.Мырзагелдиев.

Сонымен қатар, ҚМДБ Халал стандарттау бөлімінің мамандары 2018 жылы 716 имамға арнайы семинар жүргізді.

By Редакция

Қазақстан мұсылмандары діни басқармасының Шымкент қаласы бойынша өкілдігі, Шымкент орталық "Halifa Al-Nahaian Aqmeshiti" мешіті. Мекен жайы: ҚР Шымкент қаласы, Темірлан тас жолы, н/з Тел: 8(7252)45-33-38