ОҚО, Шымкент қаласында орналасқан «Шымкент медресе» колледжі оқытушылары мен студенттері бірігіп Әз Наурыз мерекесі қарсаңында көгалдандыру жұмыстарын бастап кетті. Аталмыш оқу орнының ауласында егілген ағаштар колледж директорының бастауымен жүзеге асты. Әр егілген тал болашаққа қалдырылған аманат деп білетін оқытушылар мен студенттер осындай шараны ел игілігіне жасалынған сауапты амал санайды. Мәуесін құс жесе де, көлеңкесіне адам саяласа да Жаратушы құзырында сауапқа кенелуді мақсат тұтқан әр бір оқытушылар белсене араласты.

«Шымкент медресе» колледжінің баспасөз қызметі