ҚМДБ Ақтөбе бойынша өкіл имамы Төлеби Оспанның ұсынысымен ОҚО Шымкент қаласы Абдулхамит Қаттани мешітінде Ақтөбе жəне ОҚО өкілдігі арасында Ақтөбе өңіріне білікті мамандарды шақыруға байланысты интернет онлайн көпір орнатылды. Онлайн көпірге ОҚО өкіл имамы Бақтыбай қажы Бейсенбаев жəне қала мешіттерінің бас имамдары, найб имамдары, ұстаздары қатысты. Ақтөбе өкіл имамы Төлеби Оспан ОҚО имамдарын қызметке шақырып біраз ұсыныстарын жеткізді. ОҚО өкіл имамы өз тарапынан бұл ұсыныстарды жоғары бағалап, басты назарға алып талқыланатынын айтты. Сондай-ақ ОҚО имам, ұстаздарынан Ақтөбе өкілдігінен ұсынылып отырған қызметтерге байланысты сұрақтар қойылып, қызу талқыланған сұхбаттар болды.

ОҚО Орталық мешітінің баспасөз қызметі