Шымкент қаласы, Еңбекші аудандық «Исамиддин баба» мешітінде аудан көлеміндегі 22 мешіттің имамдарының ұйытқы болуымен жыл сайын республика көлемінде дәстүрлі түрде өтетін «Мектепке жол» қайырымдылық акциясы ұйымдастырылды.
Игі іс-шара барысында 120 балаға оқушы сөмкесі мен мектепке қажетті құрал-жабдықтар тарту етілді.
«Біздің болашағымыздың кепілі – білімді ұрпақ. Ал баланың жастайынан білімді, алғыр болуы үшін ата-анасы мен ұстазының тәлімінен бөлек, материалдық жағдайының да жақсы болғаны маңызды. Сол себепті жыл сайынғы игі іс-шараға биыл да үлесімізді қосып, акцияға демеушілік жасаған жомарт жандарған шексіз алғысымызды білдіреміз. Алла разы болсын!» деді «Исамиддин баба» мешітінің имамы Орын Ербосын.
