Қасиетті Рамазан айында Қасиетті Құранды оқып хатым ету сауабы мол сүннет амалына жатады. Рамазан айында Арыс орталық «Ысқақ» мешітінде тарауих намазында Құран Хатым түсіріліп , хатым дұғасы оқылды. Құптан намаз алдында қаланың бас имамы Абдулкамал Абдулкарим Құран оқудың артықшылығы туралы уағыз айтты. Мешіт жамағаты атынан қари Қазыбаев Қажымұқанға сый-сыяпаттар табыс етілді. Жамағат өз ризашылықтарын білдіріп, ақсақалдар ақ батасын беріп тарқасты.

Арыс қаласы орталық «Ысқақ» мешітінің баспасөз қызметі