Абдусаттар Сманов мешітінде әйел жамағатына арналған » Қадір түні мың айдан да хайырлы » кеш өткізілді. Ауызашар берілген соң уағыз айтылып, оразаға байланысты сұрақ-жауаптар қойылды. Жамағат тарауих намазын оқыды, жамағат болып бастаған Құран хатымды бітіріп, хатым дұғасы жасалды. Үлкен әжелеріміз жамағатқа, елімізге бата-тілектерін жасады. Жамағат күнделікті рамазан ішінде үйреніп жүрген » Жастарға арналған 30 хадис » кітабынан кезекті хадисті оқып өттік. Тасбих намазымен жалғасып, сәресінде ауыз бекітіп, уақыт тез өтіп, таң атқаны байқалмай қалды. Аллаһым барша мұсылмандардың ниеттерін қабыл етсін иншааллаһ.