ҚМДБ Төрағасы, Бас мүфти Наурызбай қажы Тағанұлының бастамасымен «Рамазанда мешітке кітап сыйла» акциясы аясында «Muftyat» баспасынан жарық көрген кітаптарды насихаттау, таныстыру, үлестіру шарасы  «Шымкент» медресе-колледжінің ғылыми кітапханасында өткізілді.

Игі шараға Шымкент қаласының бас имамы орынбасары Мұхамеджан Естеміров,  «Шымкент» медресе-колледжінің директоры Талғат Әсембай және Жастар ісі секторы ұстаздар мен шәкірттер қатысты.

Аталмыш оқу ордасының ғылыми кітапханасына «Muftyat» баспасынан жарық көрген «Ихсан – рухани тәрбие негізі», «Толық адам», «Әке мектебі», «Ислам әдептерінің энциклопедиясы», «Мазһабтар тарихы», «Жәннатпен сүйіншілеген он сахаба», «Иман негіздері», «Рамазанға қатысты 200 сұрақ», «Ғибадат Тұтқасы Мұхтасар әл-Құдури», «Шариат в таблицах» сынды 22 әртүрлі құнды кітаптармен толықты. Бұл жұмыстар әрі қарай жалғасын табатын болады.  

Айта кетсек,  аталмыш оқу ордасында 407 шәкірт тәлім алуда.  Ал кітапхана қорында ҚР Ақпарат және қоғамдық даму министрлігі Дін істер комитетінің дінтану сараптамасы және ҚМДБ Сараптта комиссиясынан өткен 12659 кітап тіркелген.

ҚМДБ-ның Шымкент қаласы бойынша баспасөз қызметі