Шымкент орталық мешіті мен қалалықішкі саясат және жастар істері басқармасының “Жастар ресурстық орталығы” КММ-сі Абай аудандық филиалының ұйытқы болуымен «Біз – діни экстремизмге қарсымыз» атты рухани кездесу ұйымдастырылды.

Рухани кездесу шарасы М.Әуезов атындаы ОҚМУ-не қарасты колледжі ғимаратында  ұйымдастырылып, оған ҚМДБ-ның  ЖАНТ мүшесі әрі Абай аудандық «Нұр-Төбе» мешітінің бас имамы Бердалы Жәміш пен  «Атамекен» мешітінің имамы Дәулет Туленовтар қатысып, жастарға рухани дәріс оқыды.

Жоғары деңгейде ұйымдастырылған кездесуге қатысқан жастарға түрлі кереғар ағымдардан сақтану жолдары,  тәлім-тәрбие, білім алу,  ата-ананы құрметту,  т.б.  тақырыптар төңірегінде сөз қозғап және көкейде жүрген сұрақтарына жауаптар берілді.

ҚМДБ-ның Шымкент қаласы бойынша баспасөз қызметі