Бүгін, Шымкент орталық мешітінде ҚМДБ-ның жеті бағытының бірі һәм бірегейі «Дін мен дәстүр» бағытын насихаттауға арналған «Ихсан ілімі: Шариғат және пәтуа беру тағылымы» атты аймақтық діни семинары ұйымдастырылды.
Игі басқосуға Шымкент қаласына іссапармен келген ҚМДБ Найб мүфти, Шариғат және пәтуа бөлімінің меңгерушісі Сансызбай қажы Құрбанұлы, Шымкент қаласының бас имамы Бақдаулет қажы Абдрахманов, «Шымкент» медресе-колледжінің директоры Талғат Әсембай, найб имам Мұсабек Ақтамберді, дінтанушы-магистр Мұхамеджан Естеміров, «Тауаф» фирмасынң қалалық өкілі Азамат Әбдікерімұлы, дінтанушы Исламқұл Иманқұлұлы және Абай, Әл-Фараби, Еңбекші, Қаратау аудан имамдары қатысты.
Семинарды Шымкент қаласының бас имамы Бақдаулет қажы Нұрматұлы ашып, игі шараның маңыздылығы мен қажеттілігі туралы айтып, шараны жүргізіп отырды.
Семинарда ҚМДБ Найб мүфти, Шариғат және пәтуа бөлімінің меңгерушісі Сансызбай қажы Құрбанұлы шариғат және пәтуа беру саланың қыр-сырына тоқталып, дәріс оқыды. Дәріс барысында Құран, Хадис, Ижмаь, Қияс саласы, пәтуаның анықтамасы мен пәтуа берудің әдебі туралы қызықты мағлұматтарымен бөлісті. Сондай-ақ, отбасы және ажырасу, талақ т.б. өзекті тақырыптарды қозғап, қатысушылар тарапынан қойылған сұрақтарға жауап берді.
Айта кетсек, семинарға қатысушыларға С.Құрбанұлының «Пәтуа әдебі» кітабы және ҚМДБ Ғұламалар кеңсінің тарапынан жарық көрген «Пәтуалар жинағы – 3» кітаптары үлестірілді.

ҚМДБ-ның Шымкент қаласы бойынша баспасөз қызметі