Бүгін Шымкент қаласы Қаратау ауданы Тассай елдімекенінде орналасқан «Жанқожа» мешітінің қыз-келіншектерге арналған діни сауат ашу курсының ұйымдастыруымен мәуліт мерекесі тойланып, іс-шаралар ұйымдастырылды. Аталмыш шараны «Жанқожа» мешітінің имамы ашып беріп, келген әйелдер жамағатына уағыз-насихат айтты. Іс-шара барысында мешіттің ұстазы Ұлтуған Әметханқызы да нәзік жандыларға қатысты сөз сөйлеп, насихат айтты.

Жалпы мәуліт айының кіріп келуімен мешіт жамағаттарына пайғамбарымыздың с.а.с. өмірбаяны туралы кітаптар оқу, хат жазу әрі салауат айту туралы тапсырмалар берілген болатын. Бүгін аталмыш тапсырмаларды тиянақты орындап, сайыстан оз шыққандарға арнайы жүлделер беріліп, сыйлықтар табысталды.

Сондай-ақ келген қонақтар мен балаларға сұрақтар қойылып, оларға да сыйлықтар берілді.