М. Әуезов орта мектебін бітіргендеріне 20 – жыл өткен түлектер Шардара қаласы «Шардара» орталық мешітінде ұстаздары, ауыл ақсақалдары, әлеуметтік жағдайы төмен отбасылар және мүмкіндігі шектеулі азаматтардың басын қосып, дастархан жайды. Аталмыш іс – шараға ҚМДБ – ның ОҚО бойынша өкіл имам орынбасары, РАНТ мүшесі Е. Қарақұлов, аудандық мүгедектер қоғамдастық бірлестігінің төрағасы Қ. Ерназаров, аудан имамы А. Данияров, БАҚ өкілдері қатысты. Дастархан басында өкіл имам орынбасары қайырымдылық тақырыбында уағыз – насихат айтты. Іс – шара соңында М. Әуезов орта мектебінің түлектері 50 отбасыға 10000 мың теңгелік азық – түлік себетін таратты. Шардара қаласы «Мәлика» мейрамханасында «Шардара» мектебін бітіргендеріне 20 – жыл өткен түлектер дастархан жайып, 10 отбасыға қайырымдылық жасаса, аудандық орталық стадионда «Шардара» мектебін бітіргендеріне 10 – жыл өткен түлектер 100 адамға дастархан жайып, «Салауатты өмір салтын қалыптастыру» мақсатында футболдан турнир өткізді. 1 – орынға 120000 мың, 2 – орынға 60000 мың теңге, 3 – орынға 30000 мың теңге жүлде белгіледі.

Шардара ауданы «Шардара» орталық мешітінің баспасөз қызметі.