Төлеби ауданына қарасты Тасарық елді мекені «Тасарық» мешітінің арнайы ұйымдастыруымен ауыл көлемінде дәстүрлі мереке Наурыз тойланды. Мерекеге аудан бас имамы Анарбаев Самат қажы, алыстан келген қонақтар, ауыл ақсақалдары, округ имам молдалары ауыл тұрғындары қатысты. Наурыз əрбір қазақ отбасы үшін ерекше қастерлі, ерекше қасиетті күн саналады, наурыз күні үлкен-кіші, кəрі-жас мəре-сəре шаттыққа бөленеді. Мерекелік іс шарада, айтыс өнері, әр түрлі акрабатикалық ойындар, гір көтеру, қой көтеру , қол күрес сынды ұлттық ойын түрлерінен жарыстар ұйымдастырылып, озып шапқан жеңімпаздарға Тасарық мешіті ұжымы атынан арнайы сый-сияпат жасалып, жүлделері табыс етілді. Наурыз көже дастарханы жайылып бата тілектер айтылып барлық келген жамағат ден разы болып тарқасты.

Төлеби ауданы «Нұр» мешіті баспасөз қызметі