Іс-сапар жалғасында Наиб мүфти Есмахан Бауыржан, ҚМДБ-ның мешіт істері бөлімінің меңгерушісі Бекжігіт Жәнділлә, өкіл имам Бақтыбай Бейсенбаев «Сарыағаш медресе колледжі»-нің ұстаздарымен, діни ілім алып жатқан шәкірттерімен кездесті.
Әуелі «Сарыағаш медресе колледжі»-нің директоры А.Сманов арнайы келген қонақтарға медресе колледжнің ерлер және қыздар бөлімінің тыныс-тіршілігімен таныстырды.
Қонақтар медресе колледжі шәкірттерімен танысып, сұхбат жүргізіп оқу сыныптары мен шәкірттердің асханасын, жатақханасын аралап көрді. Медресе колледжнің атқарып жатқан істеріне оң бағасын берді. Сонымен қатар діни басқарма өкілдері медресе колледжі аумағында жаңадан салынып жатқан үлкен мешіт құрылысымен танысты.

ОҚО орталық мешітінің баспасөз қызметі