Бүгін ОҚО, Сарыағаш ауданы, Сарыағаш қаласында орналасқан «Қапланбек» мешітінде үлкен жиын болып өтті. Жиынға ҚМДБ-ның төраға орынбасары, наиб мүфти Бауыржан Есмахан, ҚМДБ-ның мешіт істер бөлімінің меңгерушісі Жәнділлә Бекжігіт, ОҚО бойынша өкіл имамы Бақтыбай Бейсенбаев, өкіл имам орынбасары Бекайдар Қымбатов, аудандық ішкі саясат бөлімінің басшысы Алдияр Қозыбаев, және ауданға қарасты барлық ауыл имам-молдалары қатысты. Жиында әуелгі сөзді наиб мүфти Бауыржан Есмахан жұмыс жүргізу жоспарларының орындалуы және мешіт салудың тәртібін кеңінен түсіндіріп, Ислам дінінің насихатталуын жоғары деңгейге көтеру керектігін айтты. Ал, Жәнділлә Бекжігіт мешіттер мен мешіт ғимараттары орналасқан жер телімдерінің құжаттарын реттеу мәселесін айтты. Өкіл имам Бақтыбай Қыдырбайұлы имамдардың діни сауатын көтеру, мешіт жұмыстарының сапасын арттыру деген сияқты бірқатар мәселелерді айтып өтті.

ОҚО Орталық мешітінің баспасөз қызметі