ОҚО бойынша «Әйел-қыздар секторының» ұйымдастыруымен ОҚО орталық мешітінде Әжелер мектебі шеберлік сағатын өткізді. Мешіт шәкірттері Қазақ халқының ұлттық бұйымдарының бірі сырмақ тігуді үйренді .Он саусағынан бал тамған әжелер, оюдың қыр-сырын қыз-келіншектерге үйретіп, қазақ әйеліне тән іскерлік өнердің мән мағынасын түсіндірді. Шәкірттерге дәрістен тыс уақытта ұйымдастырылған бұл шеберлік сағатының мақсаты, жас буынға ұлттық құндылығымызды дәріптеп қайта жаңғырту және бүгінде ұмыт болып тек көрмелерге ғана қойылып жүрген ұлттық бұйымдарымызды қайта қолға алып күнделікті үй тұрмысында қолданысқа енгізу.
Алдағы уақытта шеберлік сағатын тұрақты жалғастырып түрлі бұйымдарды дайындау жоспарланып отыр.

ҚМДБ-ның ОҚО бойынша өкілдігінің баспасөз қызметі