Алла тағала адамзатты ерекше махаббатпен жаратып, сансыз нығметке бөледі. Адамның жаратылуының басты мақсаты – Ұлы жаратушыны танып-біліп, оған мінәжат қылып бас ию. Сондай-ақ дұға – ғибадат болып табылады. Ол – пенденің дәрежесін көтеретін құлшылық. Пенде неғұрлым кішірейіп дұға қылса, Ұлы Жаратушымыз да оның мәртебесін соғұрлым жоғарылатып, асқар биіктерге шығарады.

 

Осы тұрғыда өсіп келе жатқан ұрпақ өз керегін Раббысынан сұрап үйренсін деген мақсатта,  Қаратау ауданы Мухаммед Нұр мешітінің ұстазы Махира Курбанкулова ұстаздың ұйымдастыруымен шілде айында діни сауат ашу курс шәкірттерінің арасында қыздар дұға жаттау жарысы өткізілді. 

 

Жарысқа қатысқан қыздар сыйлықтармен марапатталып, көңілдері көтеріңкі күйде қайтты.