Қазақстан мұсылмандары діни басқармасы биылғы жылды “Ислам және дәстүр құндылығы” жылы деп жариялаған болатын.
Аталған жыл аясында дін мен дәстүр, ұлттық құндылықтар кеңінен насихатталуда. Осы орайда, Шымкент қаласы өкілдігі Еңбекші аудандық «Исамиддин баба» мешіті жанынан құрылған Әжелер мектебінің ұйытқы болуымен Наурыз мерекесіне орай “Ең дәмді бауырсақ», «Ең дәмді көже»” «Баталы елге бақ қонар» тақырыптарында әжелер арасында сайыс өтті.

Сайыста қатысушылар қисса, салт-дәстүр, жаңылтпаш, жұмбақ, мақал-мәтел, ұлттық тағамдар, бата беру сынды құндылықтарды насихаттады.

Сайысқа Еңбекші ауданының бас имамы Орын Ербосын арнайы қатысып, әжелердің жасап жатқан жұмысына оң баға беріп, сәттілік тіледі.

Сайыс алдында Шымкент қаласының әйел жамағаты сокторының жетекшісі Досжанова Балжан ұстаз «Қызға қырық үйден тыйым» тақырыбында шариғатпен дәстүрді ұштастыра отыра қыз баланың тәрибелік маңызы жайында уағыз насихат айтты.

Жеңімпаздарға сыйлықтар мен дипломдар және ҚМДБ мүфтият баспасынан жарық көрген «Дін мен дәстүр” кітабы табысталды.