Шымкент қаласы, Қаратау ауданы Есжанұлы Сейітжан қари мешітінде әйел, қыз-келіншектер сауат ашу курсында Таңшолпан Әлімжанқызы ұстазымыз ақида пәнінен “Алла тағаланың зәти, субути сипаттары” атты семинар сабағы өтті. Семинар барысында ақида ғылымының иләһиәт бөлімінен өтілген лекциялардан үйге берілген тапсырмалар бойынша Алла тағаланың 6 зәти және 8 субути сифаттары таныстырылды. Семинар барысында сұрақ-жауаптар арқылы сабақ пысықталды. Сабақ соңында Алланың 99 есімінен ойын-жарыс ұйымдастырылып, жеңімпаздар анықталды. Семинарға 45 шәкірт қатысты.
ҚМДБ-ның Шымкент қаласы бойынша баспасөз қызметі