Бүгін  ҚМДБ -ның Шымкент қаласы бойынша өкілдігі мен «Зекет және қайырымдылық» қорының ұйытқы болуымен  ҚМДБ-ның Ізгі қоғам бағыты баясында қасиетті Рамазан айында жас балаларға қуаныш сыйлау мақсатында Шымкент қаласында орналасқан №1 «Өмірлік қиын жағдайда жүрген балаларды қолдау орталығына» МКК тәрбиеленіп жатқан балаларға «Рамазан тәттісі» қайырымдылық шарасы өткізілді.

Игі шараға найб имамы Мұсабек Ақтамберді, Әл-Фаради аудандық мешіттің бас имамы Ахметжан  Керімбек,  «Зекет және қайырымдылық» қорының өкілдері Айбек Азимбаев, Ержігіт Мамытұлы т.б. еріктілер қатысты. 

Рухани шара Қасиетті Құран оқумен басталды. Әуелгі құттықтау сөзді шаһар бас имамы Бақдаулет қажы Нұрматұлының атынан найб имамы Мұсабек Ақтамберді сөз сөйлеп, балаларды қасиетті Рамазан айымен құттықады. 

Жоғары деңгейде ұйымдастырылған шара соңында мекеме басшысы Діни басқарма, қалалық Зекет және қайырымдылық қорының өкілдеріне алғыс айтып, ризалық білдірді.