ҚМДБ Шымкент қаласы, Еңбекші аудандық «Исамиддин баба» мешітінде «Мектеп жол» қайырымдылық акциясы өтті. Жыл сайын ұйымдастырылатын дәстүрлі «Мектеп жол» қайырымдылық акциясына ауданға қарасты барлық мешіт имамдары атсалысты. Игі шараға «Зекет» қайырымдылық қоры мұрындық болып, ауданға қарасты барлық мешіттерде тіркелген мұқтаж, ерекше жандар, көп балалы отбасылардың ішінен 230 оқушыға мектеп сөмкесі мен оқу құрал-жабдықтарын ауданымыздың бас имамы Ербосын Бектұрсынұлы арнайы табыстап, Алладан оқушыларға пайдалы білім алуын, зейінді де зерек, алғыр, оқуда озат болуын сұрап, дұға тіледі.

ҚМДБ-ның Шымкент қаласы бойынша баспасөз қызметі