Шымкент қаласы, Әл-фараби аудандық «Ордабасы» мешітінде аудан имамының жетекшілігімен, аудандағы мешіттердің имамдарының қатысуымен жиналыс болып өтті. Жиналыстың күн тәртібінде, кешегі Шымкент қаласының Бас имамы Бақдаулет қажы Нұрматұлының басшылығымен өткен жиналыста қаралған хаттамалық тапсырмалармен таныстыру және олардың орындалуын қамтамасыз ету жолдарын қарастыру.
Бірінші кезекте, Шымкент қаласы бойынша өкілдіктің ұйымдастыруымен алдағы 16 тамыз күні өтетін республикалық Құран жарысына іріктеу сайысы мен «Мектепке жол акциясы» қайырымдылық шарасын барынша насихаттау және шаралардың жоғары деңгейде өтуіне жан-жақты үлес қосу. Сондай-ақ, аудан имамының аудандағы мешіттерді аралап, мешіттердің тәртібі мен тазалықтарын жиі-жиі тексеріп тұру керектігі және дін қызметкерлерінің оқу-ағарту семинарларына белсене қатысулары міндетті екендігі айтылды, сол секілді т.б. тапсырмалар пысықталды. Алла Тағала жар болсын!

ҚМДБ-ның Шымкент қаласы бойынша баспасөз қызметі