Шымкент қаласы Тұран ауданы Қождан ата мешіті әйелдер бөлімінде жазғы діни сауат ашу курсын аяқтаған қыздарды марапаттау мақсатында рухани кеш өтті.
Биыл Қождан ата мешітінде «Имани жаз-2023» жазғы діни сауат ашу курсында 7-15 жас аралығындағы 80-ге жуық қыз балалар қатысты.
Қыздар 1.5 ай бойы Құран әліппесін оқып, Алланың көркем есімдерін жаттады. Күнделікті Пайғамбарлар қиссасы айтылып, Пайғамбарымыз Мұхаммед (ﷺ) өмірбаянынан маңызды оқиғаларды оқып, артықшылықтарын үйренді.
Сонымен қатар биыл Алланың қалауымен 41 қыз Құран әліппесін аяқтап Құранға түсті.
16-шілде күні рухани кеш өтті. Рухани кеште шәкірттер домбырамен күй орындап, ғибратты қойылымдар көрсетті. Жиын соңында барлық Құранға түскен қыздарға Қасиетті Құран Кәрім және арнайы сыйлықтар табысталды. Барлық қатысушы шәкірттерге алғыс хат берілді. Алғыс хатты Шымкент қаласының әйел-қыздар сектор жетекшісі Досжанова Балжан ұстазымыз арнайы келіп табыстады.

ҚМДБ-ның Шымкент қаласы бойынша баспасөз қызметі