ҚМДБ Шымкент қаласы Абай ауданында орналасқан «Абдурахман» мешітінде Шымкент қаласы бас имамы Бағдәулет Нұрматұлының қатысуымен Пайғамбарымыз Мухаммед (с.а.у.)-ның туылған айына байланысты мәуліт шарасы өткізілді. Сондай-ақ, мәуліт шарасына Аль-Фараби ауданының бас имамы Ахметжан Керімбек және Түркиядан келген Осман ұзтаздар қатысты. Қаланың бас имамы Бағдәулет Нұрматұлы Мәуліт айының қасиетімен Пайғамбарымыз (с.ғ.с)-ның өмір баянынан қиссалар келтіріп жамағатқа насихат айтты. Мәуліт шарасына қатысқан жамағатқа мунара газет тарқатылып тәтті сыйлықтар үлестірілді. Қасиетті Құран оқылып, қаламыздың бас имамы Бағдәулет Нұрматұлы батасын берді.

ҚМДБ Шымкент қаласы бойынша баспасөз қызметі