Шымкент қаласы облыстық орталық мешітінде жергілікті уақыт бойынша таңғы сағат 7:00-де қасиетті Рамазан айының аяқталуына орай мерекелік Айт намазы оқылды.
Дәстүр бойынша, Айт намазы қасиетті Құран Кәріммен басталып, өкіл имамның мерекелік уағызымен аяқталды.
Айт мерекесіне жиналған жамағатқа ҚМДБ-ның ОҚО бойынша өкіл имамы Ахметжан қажы Керімбек ҚМДБ-ның төрағасы, Бас мүфти Ержан қажы Малғажыұлы хазреттің айт мерекесімен құттықтауын оқып, жеткізді.
Жалпы, облыс көлемінде барлық мешіттерде ораза айт намазы жоғары деңгейде ұйымдастырылды.
Айт намазы аяқталған соң намазға қатысқан жамағатқа мерекелік дастархан жайылып, қонақтар алуан түрлі астардан дәм татты.

ҚМДБ-ның ОҚО бойынша өкілдігінің баспасөз қызметі